Struktura e raportit është thuajse njësoj me atë të vitit paraardhës dhe vlerëson zbatimin e procesit të Stabilizim-Asociimit. Raporti:

– përshkruan marrëdhëniet midis Shqipërisë dhe Bashkimit Europian;

– analizon gjendjen politikë në Shqipëri në aspektin e demokracisë, shtetit të së drejtës, respektimit të të drejtave të njeriut dhe mbrojtjes së minoriteteve;

– vlerëson gjendjen ekonomike në Shqipëri në aspektet e zhvillimeve ekonomike dhe përparimit drejt stabilitetit ekonomik dhe konkurrueshmërisë;

– shqyrton kapacitetet e Shqipërisë për zbatimin e standardeve europiane, domethënë, hartimin e legjislacionit në politika kyçe që të jenë sa më në përputhje me standardet dhe legjislacionin europian.

–  ekzaminon shkallën e adresimit të prioriteteve të Partneritetit Europian.

Ky raport vlerëson përparimin që nga raporti 2004 dhe mbulon periudhën mars 2004 – 30 shtator 2005. Raporti vlerëson nëse janë realizuar reformat e planifikuara në raportin vjetor 2004, ekzaminon nismat e reja dhe vlerëson nivelin e përgjithshëm të zbatimit.