Sipërfaqe toke

27,400 km katror; sipërfaqe gjithsej: 28,748 km katror

Fillim Faqeje

Popullsia

(2007 përllog.): 3,600,523 (shtimi popullsisë: 0.5%); përqindja e lindjeve: 15.2/1000; mortaliteti foshnjor: 20.0/1000; jetegjatësia: 77.6;

Fillim Faqeje

Kryeqyteti dhe qyteti më i madh

(2003 përllog ): Tirana. Ajo ka përafërsisht 700,000 banorë. Ajo është qendra e jetës ekonomike dhe kulturore të vendit.

Fillim Faqeje

Qytete të tjerë të mëdhenj

Durrësi, Elbasani, Vlora, Shkodra.

Fillim Faqeje

Njësia monetare

Lek

Fillim Faqeje

Gjuhët

Përafërsisht 96 % e popullsisë flet shqip, por ka një minoritet të vogël (3%) që flet greqisht dhe maqedonisht.

Fillim Faqeje

Minoritetet

Etnikë: Grekë 3%, Maqedonas 0.3%, Vllehë, Romë, Serb-Malazes.
Kulturorë: Vllehë, Romë.

Fillim Faqeje

Feja

Islamë 70%, Shqiptarë ortodoks 20%, Katolik 10%.

Fillim Faqeje

Shkrim-këndim

87% (2003 përllog.)

Fillim Faqeje

Forma e Qeverisjes

Shqipëria është republikë parlamentare. Pushtetet kryesore që mund të diskutohen janë legjislativi (parlamenti dhe zyra e presidentit) dhe ekzekutivi (qeveria).

Fillim Faqeje

Titullarët e lartë

Presidenti Bamir Topi
Kryeministri Sali Berisha

Fillim Faqeje

Gjeografi

Shqipëria është e vendosur në bregun lindor të detit Adriatik, me Malin e Zi dhe Kosovën në veri, Maqedoninë në lindje dhe Greqinë në jug. Ajo përbëhet nga dy zona kryesore: zona malore (veri, lindje dhe jug) që përbën 70% të sipërfaqes së tokës, dhe zona e ultësirës bregdetare perëndimore që përbën pothuajse të gjithë tokën bujqësore të vendit e cila është dhe pjesa me popullsinë më të dendur.

Fillim Faqeje

Toka dhe Njerëzit

Shqipëria është me reliev të thyer dhe malor, me përjashtim të zonës pjellore të bregdetit Adriatik. Mali Korabit (2,763 m), në kufirin shqiptaro-maqedonas, është mali më i lartë i vendit. Klima bregdetare është tipike mesdhetare, me verë të nxehtë, të thatë dhe dimër të butë, të lagët. Pjesa malore në brendësi, veçanërisht në veri, ka dimra të ashpër dhe verëra të buta. Lumenjtë kryesorë janë Drini, Mati, Shkumbini, Vjosa dhe Semani, por ata janë të palundrueshëm. Më shumë se një e treta e Shqipërisë është e mbuluar nga pyje, një e treta është kullotë dhe vetëm rreth një e pesta është e kultivuar. Shqipëria ka një pozicion ideal gjeografik, klimë shumë të favorshme, shtrirje të gjatë plazhesh të pastër, male të lartë dhe liqene.

Fillim Faqeje

Ekonomia

Përafërsisht 60% e fuqisë punëtore të Shqipërisë është e zënë në bujqësi; balancimi përfshihet në shërbime ose industri. Bujqësia më parë ishte në formë kolektive dhe ferma bujqësore, por nga viti 1992 pjesa më e madhe e tokës bujqësore u privatizua. Drithërat (veçanërisht gruri dhe misri), patatet, perimet, frutat dhe panxhar sheqeri kultivohen si dhe rritja e bagëtisë. Shqipëria është e pasur në burime mineralë, gaz natyror, qymyr, boksite, krom, bakër, xeherorë, nikel dhe kripë. Përpunimi bujqësor, nafta, shfrytëzimi i minierave dhe prodhimi i tekstileve, veshjet, lëndë druri, çimento dhe kimikatet janë industritë kryesore. Uzinat e hekurit dhe çelikut janë të zhvilluara dhe vendi ka një numër stacionesh hidroelektrike. Shqipëria është një vend në rrugën e zhvillimit. Tregtia me jashtë kryhet me anë të detit, Durrësi dhe Vlora janë portet kryesore. Shqipëria eksporton tekstile dhe këpucë, minerale, artikuj ushqimor dhe duhan; dhe importon kryesisht makineri, prodhime të tjera industriale dhe mallra konsumi. Partnerët kryesorë tregtarë janë Italia dhe Greqia. Shqipëria është duke u përpjekur me këmbëngulje të tërheqë investimet e huaja dhe të promovojë investimin vendas nëpërmjet përmirësimit për transparencën në procedurat e biznesit, dhe rikonstruktimit të sistemeve bankare dhe tatimore. Bashkëpunimi i ngushtë me organizmat ndërkombëtare si p.sh: Banka Botërore, Fondi Monetar Ndërkombëtar dhe Bashkimi Evropian, BERZH, etj. janë garancitë për një zhvillim të qëndrueshëm ekonomik. Zbatimi i nismës së Paktit të Stabilitetit përbën një nga angazhimet kryesore të Qeverisë për zhvillimin ekonomiko-social të vendit me synim final integrimin në strukturat evropiane dhe ato Euro-Atlantike. Shqipëria po vazhdon të dëshmojë se po përpiqet të dalë përfundimisht nga kaosi i periudhës së tranzicionit. Ekonomia po lulëzon, rrjeti i rrugëve është duke u modernizuar më në fund, dhe demokracia duket se po formohet gradualisht me normat Evropiane, ligji dhe rendi janë pafundësisht më mirë se ishin në 1990 e egër.

Fillim Faqeje

Turizmi shqiptar

Shqipëria me pozitën e saj gjeografike, me klimën dhe me bukuritë e saj natyrore lejon frekuentimin e turizmit përgjatë gjithë vitit. Kohët e fundit, turizmi shqiptar po jeton lulëzimin e tij, i cili të ofron disa lloj mundësish frekuentimi, përkatësisht turizmi detar, malor dhe atë historik. Periudha më e përshtatshme për të vizituar Shqipërinë është rreth muajve maj - shtator pasi është një klimë e ngrohtë dhe nuk ka shumë ngarkesë në procedurat e prenotimeve të hoteleve. Turizmi bregdetar është kryesisht i zhvilluar në qytetet e Durrësit, Vlorës, Sarandës dhe Divjakës. Gjatë stinës së verës më shumë se 200.000 turistë frekuentojnë ujërat e detit Adriatik të Durrësit dhe Vlorës të cilat ofrojnë edhe shërbime hotelerie dhe qendra argëtimi të ndryshme. Durrësi është një destinacion interesant edhe për turizmin historik. Qyteti bukur i Sarandës ofron një atmosferë të veçantë që rrëmben zemrat e vizitorëve të tij. Panorama e detit Jon dhe varieteti i florës i favorizuar nga klima e butë, e bën Sarandën qendrën më të preferuar për pushuesit vendas dhe të huaj. Turizmi malor është i përqendruar kryesisht në pjesën Jug- Lindore dhe Veriore të Shqipërisë. Fshati i Voskopojës ndodhet 21 km larg qytetit të Korçës, me ajër të pastër dhe ujë kurativ. Gjatë stinës së dimrit të ofron mundësi të mira për të bërë ski. Parku Kombëtar i 'Luginës së Valbonës' ndodhet 25-30 km në veriperëndim të qytetit të Bajram Currit. Vlerat e tij shkencore, turistike dhe shëndetësore shoqërohen më së miri më bio-diversitet të rëndësie kombëtare dhe ndërkombëtare. Historia e Shqipërisë daton që në kohën e qytetërimit ilir dhe grek dhe akoma sot gjenden shumë rrënoja dhe pasuri të tjera që vërtetojnë këtë fakt. Falë historisë së saj, Shqipëria është ndikuar nga shumë stile të ndryshme arkitektonike, fetare dhe kulturore, të cilat përbëjnë bazat e turizmit historik të saj. Butrinti ndodhet 18 km larg qytetit të Sarandës. Butrinti monument është njëri nga objektet më interesante arkeologjike, ku ia vlen të shihet amfiteatri antik në formë gjysmë-rrethi. Kalaja e Krujës në cep të qytetit është ndërtuar gjatë shekullit V-VI era e re dhe ka një formë eliptike me një sipërfaqe prej 2.25 hektarë. Muret rrethuese janë fortifikuar nga 9 kulla të përdorura për të vëzhguar dhe ruajtur kështjellën gjatë kohës së luftës. Në ditët e sotme gjenden ende disa dhoma brenda mureve të kësaj kështjelle.

Fillim Faqeje